Kongress qyzmetkerlerge DeepSeek qoldanbasyn paıdalanýǵa tyıym salady

ASTANA. KAZINFORM - Ókilder palatasynyń qyzmetkerleri endi az ýaqyt ishinde tanymal bolyp ketken qytaılyq DeepSeek jasandy ıntellekt baǵdarlamasyn paıdalanbaýy múmkin, dep habarlaıdy Kazinform tilshisi POLITICO-ǵa silteme jasap. 

Qyzmetkerlerge arnalǵan habarlamada, Ókilder palatasynyń Bas ákimshiligine jaýapty maman (CAO) tehnologııa qaralyp jatqanyn jáne ol ábden tekserilmeıinshe qoldanylmaıtynyn aıtty.

Qyzmetkerler budan bylaı baǵdarlamany telefon, kompıýter jáne planshet sııaqty qurylǵylarǵa ornata almaıdy. 

- Alaıaqtar DeepSeek-ti zııandy baǵdarlamalar taratý jáne qurylǵylardy búldirý úshin paıdalanyp jatyr, - delingen ókilder palatasy habarlamasynda. 

Axios-tyń habarlaýynsha, 2023 jyly agenttik ChatGPT jasandy ıntellekt baǵdarlamasyn qoldanýǵa shekteýler qoıyp, belgili bir tapsyrmalar úshin OpenAI chatbotynyń aqyly nusqasyn ǵana paıdalanýǵa ruqsat bergen. 

Byltyr sáýir aıynda CAO qyzmetkerlerge Microsoft Copilot qoldanbasyn paıdalana almaıtyndaryn habarlaǵan. Degenmen kompanııa úkimet qajettilikterine baǵyttalǵan quraldar jıyntyǵymen jumys istep jatqanyn aıtty. 

Buǵan deıin qytaılyq DeepSeek startapy amerıkalyq App Store dúkeninde ChatGPT-den asyp túskeni habarlanǵan bolatyn.