Kongress-hollda Astanadaǵy bilim berýdiń «7 keremetin» kórýge bolady
ASTANA. 27 tamyz. QazAqparat - Búgin Astanadaǵy Kongress-holl saraıynda «Bilim berý júıesin jańǵyrtý - adamı kapıtaldyń sapaly ósýiniń basty baǵyty» atty pedagogtardyń 2012 jylǵy tamyz keńesi aıasynda astanalyq mektepterdiń jetistikterine arnalǵan kórme ótti.
Kórmede bilim berý mekemeleriniń ınnovatsııalyq-aqparattyq tehnologııalarymen tanysyp, sabaq berýdiń jańa ádistemeleri men oqý-quraldaryn, sondaı-aq oqýshylardyń kolóner buıymdaryn kórýge bolady. Al «7 keremet» dep atalatyn gallereıada Astana qalasynyń úzdik oqýshylary - hımııa páninen respýblıkalyq jáne halyqaralyq olımpıadalardyń jeńimpazy Ázim Amanjolov, shahmattan Álem jáne Azııa týrnırleriniń chempıony Dınara Sádýaqasova, «ART OLYMPIA» shyǵarmashylyq baıqaýynyń jeńimpazy Mádı Bıjanov, «Jyl oqýshysy - 2012» baıqaýynyń bas júlde ıegeri Dıas Qazbekov, karatedan álemniń eki dúrkin chempıony Álisher Qabdýllaev, geografııa páninen respýblıkalyq olımpıadalardyń júldegeri Sanat Seıitov jáne «Astana tańdaýy» konkýrsynyń alǵashqy jeńimpazy, №10 mektep-gımnazııasynyń bastaýysh synyp muǵalimi Márııa Shokýbaevmen suhbattasýǵa múmkindik bar.
Aıta keteıik, erteń, tamyzdyń 28-i kúni Kongress-holl saraıynda Qazaqstan pedagogtarynyń 2012 jylǵy tamyz keńesi ótedi. Іs-sharanyń bıylǵy taqyryby - «Bilim berý júıesin jańǵyrtý - adamı kapıtaldyń sapaly ósýiniń basty baǵyty».
