Kongress-holl sahnasynda Aıman Musaqojaevanyń elorda kúnine arnalǵan merekelik kontserti ótýde
ASTANA. Shildeniń 1-i. QazAqparat /Janna Qorqytova/ - Elordalyq Kongress-holldyń kontsert zalynda Aıman Musaqojaeva mýzyka keshin uıymdastyrdy. Bıyl ataqty skrıpkashy, «Álem ártisi» Aıman Musaqojaeva qala turǵyndary men qonaqtaryna klassıkalyq mýzykanyń ádetten tys kontsert-shoýyn syılaıdy. Bul shara Qala kúnin merekeleý aýqymynda ótýde. Bul týraly ol jýrnalısterge shara bastalar aldyndaǵy brıfıngide aıtty.
«Búgingi bizdiń kontsertimiz kontsert-shoý túrinde ótedi, onyń baǵdarlamasyn Murat Erǵalıev pen Aleksandr Ponomarev usyndy», - dedi A.Musaqojaeva.
Kontsertte kórermender tanymal shyǵarmalarmen qatar, jańa janrdaǵy dúnıelermen qaýyshady.
Keshte ataqty óner juldyzymen birge Astana qalasynyń «Solıster akademııasy», Qazaq ulttyq óner ýnıversıtetiniń Eýrazııalyq sımfonııalyq orkestri, Bıg-bend jáne osy óner ordasynyń skrıpkashylar ansambli, sondaı-aq balǵyn ártister - mektep oqýshylary da qatysady.
Eýrazııalyq sımfonııalyq orkestrge Máskeý konservatorııasynyń professory Maksım Fetotov dırıjerlik etedi.
