Kongress depýtattary Tramptyń Kanadaǵa salǵan tarıfterin alyp tastady

ASTANA. KAZINFORM – Respýblıkalyq partııadan alty zań shyǵarýshy Ókilder palatasyndaǵy demokrattarǵa qosylyp, prezıdent Donald Tramptyń kanadalyq taýarlarǵa salǵan tarıfterin alyp tastaý úshin daýys berdi, dep habarlaıdy NBC News.

Zań jobasy 219-ǵa qarsy 211 daýyspen qabyldandy. Tek bir ǵana demokrat, Ókilder palatasynyń Men shtatynan ókili Djared Golden qarsy daýys berdi.

Zań jobasy endi Senattyń qaraýyna jiberiledi. Sársenbide Tramp tarıf saıasatyna qarsy shyqqan barlyq respýblıkashylarǵa saıası jaza qoldanylatynyn aıtyp qorqytty. 

- Ókilder palatasynda nemese Senatta tarıfterge qarsy daýys bergen kez kelgen respýblıkashyl saılaýda, sonyń ishinde praımerızde qatty zardap shegedi, - dep málimdedi Donald Tramp TruthSocial áleýmettik jelisinde.

Ókilder palatasynda qararǵa daýys bergen respýblıkashylar qatarynda Kentýkkıden Tomas Messı, Kalıfornııadan Kevın Kaılı, Nebraskadan Don Bekon, Vashıngtonnan Den Nıýhaýs, Koloradodan Djeff Herd jáne Pensılvanııadan Braıan Fıtspatrık boldy.

Buǵan deıin Tramp Ottavaǵa amerıkalyq ushaqtardy sertıfıkattaýdan bas tartqany úshin jaýap retinde barlyq kanadalyq ushaqqa 50% baj salýmen qorqytqanyn jazdyq.