Kongodo shahta opyrylyp, 200-den astam adam kóz jumdy

ASTANA. KAZINFORM — El bıligi taratqan málimdemege sáıkes, Kongo Demokratııalyq Respýblıkasynda shahta opyrylyp, 200-den astam adam qaıtys boldy, dep habarlaıdy Sınhýa.

Kongo taý-ken mınıstrligi jarııalaǵan málimdemede aıtylǵandaı, oqıǵa Soltústik Kıvý provıntsııasyndaǵy Rýbaıa aýdanyndaǵy shahtada qatty nóserden keıin bolǵan.

Aldyn ala málimetterge sáıkes, 200-den astam adam qaıtys boldy, onyń 70-ke jýyǵy kámeletke tolmaǵandar.

Málimdemede Rýbaıa shahtalary qazirgi ýaqytta «23 naýryz qozǵalysy» /m23/ kóterilisshiler tobynyń baqylaýynda ekendigi kórsetilgen. Bul qutqarý jumystaryn qıyndatyp otyrǵandyǵy da jazylǵan.

Aıta keteıik, buǵan deıin de Kongo Demokratııalyq Respýblıkasynyń shyǵysynda shahta qulap, 227 adam qaza tapty.