Kongoda mınıstr mingen ushaq ushý-qoný jolaǵynan shyǵyp ketip, órtendi
ASTANA. KAZINFORM — Oqıǵa Kongo Demokratııalyq Respýblıkasynyń Taý-ken qazý ónerkásibi mınıstri Lýıs Vatým Kabamba mingen ushaq Kolvezı áýejaıyna ushyp kelgen kezde boldy, dep habarlaıdy Actualite.
Kınshasadan kelgen ushaq ushý-qoný jolaǵynan shyǵyp, órtene bastady. Bul oqıǵany beınege túsirip turǵan kýágerlerdiń úlken alańdaýshylyǵyn týdyrdy.
Initial reports being received of an aircraft crash
— FL360aero (@fl360aero) November 17, 2025
at Kolwezi Airport (KWZ) of Lualaba District in the Democratic Republic of Congo.
The aircraft was carrying the national Minister of Mines and his delegation.#aircraft pic.twitter.com/HAjepnxtEm
Mınıstr Kolvezıge ondaǵy kópirdiń opyrylýy saldarynan 40-tan astam adam qaza tapqan Kalondo kenishine barmaq bolǵan.
Vatým Kabamba jáne onyń delegatsııasynyń barlyq músheleri ýaqytynda evakýatsııalandy. Onyń baılanys jónindegi keńesshisi Isaak Nembonyń aıtýynsha, eshkim zardap shekken joq, degenmen barlyq júk bortta qaldy.
— Bizdi alyp bara jatqan ushaq qona almaı, órtene bastady. Biz jalyn búkil ushaqqa taralmaı turyp borttan túsip úlgerdik, — dep túsindirdi Taý-ken qazý ónerkásibi mınıstriniń baılanys jónindegi keńesshisi Isaak Nembo.
Eske sala ketsek, qazan aıynyń sońynda Úndistan prezıdenti Draýpadı Mýrmý mingen tikushaq eldiń ońtústigindegi Kerala shtatyna qoný kezinde jańa tóselgen asfaltqa túsip ketken.