Kongodaǵy qaıǵyly oqıǵa: benzın tasıtyn mashına aýdarylýy saldarynan 200-den astam adam qaza boldy
ASTANA. Shildeniń 3-i. QazAqparat - Eldiń shyǵysyndaǵy Ońtústik Kıvý provıntsııasyndaǵy eldi mekenderdiń birinde benzın tasıtyn mashına aýdarylýy qaıǵyly oqıǵaǵa ákep soqty. Keshe keshke osy mashınanyń júrgizýshisi rúldi basqara almaı qalyp, mashına aýdarylyp, jaryldy. Benzın tógilgen jerde kúshti órt bolyp, birneshe úıler túgelimen janyp ketti, dep habarlaıdy RBK.
Qaza bolǵandardyń kópshiligi álem chempıonatyn tamashalap otyryp, úılerinen shyǵa almaı qalǵan. «Qazirgi kezde júzdegen adamdardyń qazaǵa ushyraǵany anyq», - dep habarlady Kongo úkimetiniń baspasóz hatshysy Vınsent Kabanga.
Reuters agenttiginiń habarlaýynsha, keminde 200 adam mert boldy, 100 adam jaraqat aldy. Ókimet oryndary oqıǵanyń qurbandar sany artýy múmkin dep atap ótýde.
El polıtsııasynyń málimeti boıynsha, birneshe adam jaǵdaıdy paıdalanyp, tógilgen benzındi alamyz dep júrgende qazaǵa ushyraǵan. Olardyń arasynda adamdardy janyp jatqan tsısternaǵa jibermeýge áreket jasaǵan BUU bitimgershileri de bar.
Oqıǵa ornynda órt sóndirýshiler men qutqarýshylar jumys isteýde.
