Kongoda janartaý atqylap, 5 myńnan astam adam Rýandaǵa qashty
PRETORIıA. QazAqparat – Kongo Demkratııalyq Respýblıkasynyń (KDR) shyǵysyndaǵy Goma qalasynyń 5 myńnan astam turǵyny Nıragongo janartaýynyń qatty atqylaýyna baılanysty úılerin tastap, kórshiles Rýandaǵa qashty. Bul týraly jeksenbide eldiń Actualite jańalyqtar portaly habarlady.
Adamdar janartaý laqtyrǵan lava aǵynynan qashyp qutyldy, dep jazdy basylym. Qurban bolǵandar týraly resmı málimetter áli kelgen joq. Bılik lava aǵyny qaýip tóndiretin qala aýdandarynyń turǵyndaryn evakýatsııalaý josparyn iske qosty. Portal janartaýdyń janynda ornalasqan Goma qalasynyń mańyna keltirilgen iri materıaldyq zalal týraly habarlady.
Actualite málimetteri boıynsha, lavanyń negizgi aǵyny Gomanyń soltústik - shyǵys shetindegi áýejaıǵa qaraı jyljýda.
Gomada 1,5 mıllıon adam tirshilik keship jatyr.
Afrıkanyń eń belsendi janartaýlarynyń biri Nıragongonyń atqylaýy senbi kúni keshke boldy. Janartaýdyń bıiktigi 3 470 metrge jetti.
