Kongoda tyrysqaq aýrýy órship tur: eki myńǵa jýyq adam kóz jumdy

ASTANA. KAZINFORM — Kongo Demokratııalyq Respýblıkasynda 9 aıda tyrysqaqtyń 64 myńnan astam jaǵdaıy tirkeldi. Kóbine balalar syrqattanyp jatyr, dep habarlaıdy BELTA.

Bıyl Kongo elinde tyrysqaqtyń 64 427 jaǵdaıy tirkelgen, onyń ishinde 1888 adam osy indetten kóz jumdy. Naýqastardyń 14 818-i bala. Olardyń 340-y qaıtys boldy. 

Aýrý 26 provıntsııanyń 17-de taralyp úlgerdi. Eń mańyzdy oshaqtardyń biri — Kınshasada. 

— Tyrysqaqtyń aldyn alýǵa bolady. Ol úshin qaýipti aımaqtarda sýmen jabdyqtaý, sanıtarlyq talap jáne densaýlyq saqtaý júıelerin jaqsartýǵa memlekettik ınvestıtsııalardy arttyrý qajet. Syrqat tyrysqaq vıbrıonymen lastanǵan sý men tamaq arqyly juǵady. Sondyqtan halyqty, ásirese aýrý keń taraǵan aýdandarda turatyn balalardy qorǵaý úshin aldyn alý sharalaryna erekshe nazar aýdarý kerek, — delingen aqparatta. 

DDU-nyń esebinshe, taza sýdyń, sanıtarlyq talaptyń jáne gıgıenanyń bolmaýynan jyl saıyn 1,4 mıllıon adam qaıtys bolady.

Tamyz aıynda Afrıkanyń 23 elinde tyrysqaq oshaǵy tirkeldi.