Kongoda tasqyn men kóshkinnen 40 adam mert boldy
Kongo Demokratııalyq Respýblıkasynyń shyǵysynda nóser jańbyr sý tasqyny men kóshkinge ulasyp, 40 adam qaza tapty. Kazinform bul týraly Reuters-ke silteme jasap habarlaıdy.
Resmı tulǵalardyń aqparatyna sensek, Býkavý qalasynda keminde 20 adam jáne qaladan 50 shaqyrym jerdegi aýylda taǵy 20 adam qaza bolǵan.
Býkavý turǵyny Ivonn Mýkýpı kórshisin sý aǵyzyp áketkenin aıtty.
— Aǵash astynan úsh adamnyń máıitin taptyq, ázirge basqalary tabylǵan joq, - dedi ol.
BUU klımat sarapshylarynyń pikirinshe, qalany josparlaý nashar jáne ınfraqurylym álsiz bolǵandyqtan mundaı qaýymdarǵa jahandyq jylynýǵa baılanysty Afrıkada jıilep ketken nóser jańbyr qaýip tóndiredi.
Sondaı-aq seısenbi kúni Kongo DR provıntsııalarynyń birinde nóser jańbyr saldarynan 22 adam qaıtys boldy.