Kongoda taǵy bir janartaý atqylap jatyr
PRETORIıA. QazAqparat - Goma qalasynan soltústikke qaraı 28 shaqyrym jerde Kongo Demokratııalyq Respýblıkasynyń (KDR) shyǵysynda ornalasqan Mýrara janartaýy atqylady. Bul týraly el úkimetiniń ókili Patrık Mýıa málim etti, dep habarlaıdy QazAqparat.
Mýrara janartaýy Nıamýragıra taýynyń baýraıynda jáne 22 mamyrda oıanǵan Nıragongo janartaýynan soltústikke qaraı 13 km jerde ornalasqan. Mýraranyń aldyńǵy atqylaýy 1977 jyldyń kókteminde boldy, sodan beri janartaý únsiz edi.
«Tańerteń Vırýnga ulttyq qoryǵynda, shóldi jerde ornalasqan Mýrara janartaýynyń atqylaýy bastaldy», - degen Patrık Mýıanyń sózin keltiredi Agence France-Presse. «Biz oqıǵalardyń jańa damýyn muqııat baqylap otyrmyz».
Aıta keter jaıt, Goma qalasy aýmaǵynda udaıy dúmpýler bolady.
Sarapshylar Nıragongo janartaýynyń qaıta oıanýyn joqqa shyǵarmaıdy. Saqtyq sharasy retinde Goma bıligi Nııragongo qalasynan 15 km qashyqtyqta ornalasqan úılerine lava aǵyndary qaýip tóndirýi múmkin 400 myńǵa jýyq adamdy evakýatsııalaýǵa buıryq berdi.
