Kongoda sý tasqynynan 400-ge jýyq adam kóz jumdy
KINShASA. QazAqparat – Kongo Demokratııalyq Respýblıkasynda (KDR) nóser jaýyn saldarynan Ońtústik Kıvý provıntsııasynda ózender arnasynan tasydy. Júzdegen úıdi sý shaıyp ketti, dep habarlaıdy QazAqparat DW-ge silteme jasap.
KDR-da sý tasqyny men laı kóshkininen 394 adam qaza tapty. Bul málimetti tabıǵı apattan eń kóp zardap shekken Kalehe okrýgi ákimshiliginiń qyzmetkeri Tomas Bakenga málim etti.
Apta sońynda bolǵan aqjaýynnan Ońtústik Kıvý provıntsııasynda ózender sýy jaǵadan asyp, júzdegen úıdi shaıyp ketti.
Elde 8 mamyr kúni qaraly kún jarııalandy.
Adam ólimine alyp keletin sý tasqyndary Ońtústik Kıvý, sondaı-aq kórshi Rýanda men Ýgandada sırek kezdesetin jaǵdaı emes.
Rýandada sońǵy ýaqytta bolǵan úlken sýdan 127 adam kóz jumdy. Ádette sý tasqyny jylyna eki ret keletin jańbyrlar maýsymynan keıin bolady.
