Kongoda shahta opyrylyp, 200-den astam adam qaza tapty
ASTANA.KAZINFORM - Kongo Demokratııalyq Respýblıkasynyń (KDR) shyǵysynda shahta qulap, kem degende 227 adam qaza tapty. Bul aımaq «23 naýryz qozǵalysy» (M23) kóterilisshileri baqylaýyndaǵy aýmaqta ornalasqan, dep habarlaıdy TASS agenttigi.
Reuters agenttigi Soltústik Kıvý provıntsııasynyń kóterilisshiler taǵaıyndaǵan gýbernatory Lýbýmbý Kambere Mýısýdyń baspasóz hatshysyna silteme jasap habarlaǵanyndaı, apat 28 qańtarda bolǵan. Qurbandardyń naqty sany áli belgisiz.
Rýbaııa qalasynyń mańyndaǵy shahtada kolýmbıt-tantalıt (koltan) óndiriledi. Mıneral álemdik naryqta joǵary suranysqa ıe jáne elektromobılder men uıaly telefondardyń akkýmýlıatoryn óndirýde keńinen qoldanylady.
Kongo Demokratııalyq Respýblıkasy kolýmbıt-tantalıt óndirisi boıynsha álemdik kóshbasshy bolyp sanalady. Jyl saıyn osy mıneraldan shamamen 2000 tonna óndiredi. Kongo Demokratııalyq Respýblıkasynda óndiriletin koltannyń jartysyna jýyǵy Soltústik Kıvý provıntsııasynyń Rýbaııa aýdanyndaǵy kenishterden keledi.
2024 jyly M23 toby Kongo Demokratııalyq Respýblıkasynyń osy bóligindegi kolýmbıt-tantalıt kenishteriniń kópshiligin basyp aldy. Kongo bıligi kórshiles Rýandany M23-ti qoldady jáne top basyp alǵan aýmaqtarda shıkizatty zańsyz óndirýge jáne olardy Rýandaǵa tasymaldaýǵa qatysty dep aıyptaıdy.
Aıta keteıik, Nıgerııa men Kongo Qazaqstannan spýtnık satyp alý úshin aldyn ala tólem jasady.
Kongodan barǵan 800-den astam bosqyn Rýandadan pana tapty.
Esterińizge sala keteıik, 2025 jyldyń 10 qyrkúıeginde Kongo Demokratııalyq Respýblıkasynyń Prezıdenti Felıks Chısekedı Qazaqstanǵa alǵashqy resmı saparymen kelip, Kazinform tilshisine eksklıýzıvti suhbat berdi.