Kongoda prezıdent ákimshiliginiń qyzmetkerleri mingen ushaq apatqa ushyrady
NUR-SULTAN. QazAqparat – Kongo Demokratııalyq Respýblıkasynyń shyǵys bóliginde joǵalyp ketken An-72 áskerı-kóliktik ushaǵy apatqa ushyrady, dep habarlaıdy QazAqparat KDR Azamattyq avıtsııa basqarmasyna silteme jasap.
Kongolezııalyq radıonyń málimetinshe, ushaq bortynda ekıpajdyń tórt múshesi, áskerı qyzmetkerler, sondaı-aq, KDR prezıdenti ákimshiliginiń qyzmetkerleri bolǵan.
Ushaq KDR shyǵysyndaǵy Goma qalasynan eldiń astanasy Kınshasaǵa bara jatqan. Ushqan sátten 59 mınýt ótken soń ushaqpen baılanys úzilgen. Opat bolǵan jolaýshylardyń aty-jóni ázirge belgisiz, alaıda áskerı aqparat kózderiniń málimetinshe, olardyń arasynda prezıdenttiń jeke júrgizýshisi, onyń qaýipsizdik qyzmetiniń qyzmetkerleri jáne kómekshi qyzmetkerleri bolýy múmkin.
