Kongoda poıyz aýdarylyp, 30-dan astam adam ajal qushty
ASTANA. QazAqparat - Kongo Demokratııalyq Respýblıkasynyń ońtústigindegi Lýababa provıntsııasynda júk poıyzy aýdarylyp, kem degende 33 adam mert boldy, dep habarlaıdy AR agenttigi.
Poıyzǵa janarmaı tıelgen, budan tys, aldyn ala málimetterge qaraǵanda, bir top jolaýshysy da bolǵan. Taýǵa qaraı kóterile bergende poıyz relsten shyǵyp ketip, ańǵarǵa qulaǵan, sonyń saldarynan janarmaı órtengen.
«Aýdarylǵan júk poıyzy jolaýshy tasymaldaýǵa arnalmaǵan. Demek, onyń ishinde jolaýshylardyń bolýy zańǵa qaıshy», - deıdi Kongo ulttyq temirjol kompanııasynyń ókili.
Oqys oqıǵa jeksenbi kúni bolǵan. Poıyz Kongonyń ekinshi iri qalasy Lýbýmbashadan Lýena qalasyna bara jatqanda apatqa ushyraǵan.
