Kongoda poıyz apatynan 30-dan astam adam qaza tapty
ASTANA. QazAqparat - Kongo Demokratııalyq Respýblıkasynda oryn alǵan poıyz apaty saldarynan 30-dan astam adam qaza taýyp, 55 jolaýshy jaraqat aldy, dep habarlaıdy RIA Novostı.
Poıyz eldiń ońtústik-shyǵysyndaǵy Katanga provıntsııasy Kamına qalasynyń mańynda relsten taıyp ketken. Zardap shegýshilerdiń sany áli de artýy yqtımal, sebebi poıyz synyqtarynyń astynda adamdar bolýy múmkin, degen boljam bar. Ázirge qaıǵyly oqıǵanyń sebepteri belgisiz, ony anyqtaý jumystary júrgizilip jatyr.
