Kongoda maımyl sheshegimen aýyrǵan 128 adam emdeý ortalyqtarynan qashyp ketti

ASTANA. KAZINFORM – Kongo Demokratııalyq Respýblıkasynyń (KDR) shyǵysynda maımyl sheshegimen aýyratyn 130-ǵa jýyq naýqas el armııasynyń M23 tobymen soǵysýyna baılanysty emdeý ortalyqtarynan qashyp ketti. Bul týraly Actualité habarlady, dep jazady RIA Novostı. 

– Karantındik ortalyqtardan 128 naýqas qashyp ketti, - delingen habarlamada.

Soltústik Kıvý provıntsııasynda M23 shabýylyna baılanysty birqatar problema bar, sonyń ishinde dári-dármekpen qamtamasyz etý úzilgen, sý men elektr energııasy jetispeıdi. 

Vedomstvonyń málimetinshe, ótken aptada KDR-da maımyl shesheginiń 2 707 kúdikti jaǵdaıy tirkelgen, onyń ishinde 516-sy rastalyp, indetten 38 adam qaıtys boldy.

Aıta keteıik, Kongo Demokratııalyq Respýblıkasynyń shyǵysyndaǵy Soltústik Kıvý provıntsııasynyń astanasy Goma qalasyna 26 qańtardan beri «23 naýryz qozǵalysy» (M23) atty top jaqtastary kirgennen beri qaza bolǵandar sany 773-ke jetkenin habarlaǵan edik. 

Sondaı-aq Kongoda Ebola indetiniń qaıta órship ketý qaýpi bar.