Kongoda qaıyq aýdarylyp, 50 jolaýshy qaza tapty

ASTANA. KAZINFORM — Demokratııalyq Kongo Respýblıkasynyń Ekvator provıntsııasynda Kongo ózeninde qaıyq aýdarylyp, 50 adam kóz jumdy, dep jazdy Anadoly.

Bul týraly Ekvator aımaǵynyń Qyzyl Krest uıymynyń basshysy Maıtr Kolomba Mampýnıa ulttyq telearna RTNC-ge bergen suhbatynda habarlady.

Onyń aıtýynsha, apat Maııta qalasynan kóp qashyqtyqta bolǵan.

Aımaqta izdestirý-qutqarý jumystary jalǵasyp jatyr. 

Bılik organdary qurbandardyń sany artýy múmkin ekenin boljap otyr. 

Kongoda asfalttalǵan joldar tapshy. Sol sebepti halqy ózender men kólder arqyly qatynasady.  

Mundaı apattar kóbinese nóserli jańbyr maýsymynda bolady ári kemelerdegi tehnıkalyq aqaýǵa baılanysty bolýy múmkin. Kóp jaǵdaıda jolaýshylar men júkti shamadan tys tıegendikten de apat bolyp turady. 

Buǵan deıin habarlanǵandaı, Kongonyń 28 mıllıon turǵyny azyq-túlikke muqtaj.