Kongoda Ebola vırýsyn juqtyrǵandar sany 2 myńnan asty
ASTANA. KAZINFORM — Kongo Demokratııalyq Respýblıkasynda zerthanalyq jolmen rastalǵan Ebola vırýsyn juqtyrý sany 2 011-ge jetti, dep habarlaıdy Report.
Sońǵy bir táýlikte aýrý juqtyrýdyń rastalǵan 20 jańa jaǵdaıy tirkeldi.
Resmı málimet boıynsha, Ebola bezgeginen 754 adam kóz jumǵan. Ólim-jitim deńgeıi — 23,4%.
Qazirgi ýaqytta aýrýhanalar men medıtsınalyq oqshaýlaý ortalyqtarynda 376 naýqas em qabyldap jatyr. Naýqastarmen baılanysta bolǵan adamdardy baqylaý kórsetkishi 64,4%-ǵa jetken.
Eske salaıyq, Ebola bezgeginiń órshýi 15 mamyrda Kongo Demokratııalyq Respýblıkasynyń shyǵysynda jáne Ýgandada bastalǵan. Aýrýdyń negizgi oshaǵy Kongonyń Itýrı provıntsııasy bolyp otyr.
Buǵan deıin Dúnıejúzilik densaýlyq saqtaý uıymy Kongo Demokratııalyq Respýblıkasyndaǵy Ebola indetiniń naqty aýqymy resmı kórsetkishten eki-tórt ese joǵary bolýy múmkin ekenin málimdedi.
