Kongoda Ebola vırýsyn juqtyrǵandar sany 4 myńnan asty
ASTANA. KAZINFORM — Kongo Demokratııalyq Respýblıkasynda (DRK) Ebola bezgegine shaldyqqany rastalǵandar sany 4053 adamǵa jetti. Syrqattan 1850 adam kóz jumdy, dep habarlaıdy Sınhýa.
Bul týraly eldiń densaýlyq saqtaý organdary jarııalaǵan esepte aıtylǵan.
Málimetke sáıkes, 694 naýqas oqshaýlanǵan nemese aýrýhanada em qabyldap jatyr. Al 793 adam aýrýdan aıyqqan.
Halyqaralyq medıtsınalyq gýmanıtarlyq uıym «Shekarasyz dárigerler» sársenbi kúni Kongonyń shyǵysyndaǵy Ebola indetiniń órship jatqanyn eskertti.
Uıymnyń málimetinshe, vırýs alańdatarlyq ári buryn-sońdy bolmaǵan qarqynmen taralyp jatyr jáne ázirge onyń báseńdeý belgileri baıqalmaıdy.
Aıta keteıik, Kongoda Ebola indeti bosqyndarǵa arnalǵan lagerlerge taraldy.
Buǵan deıin Dúnıejúzilik densaýlyq saqtaý uıymy (DDU) qazirgi Ebola indeti Kongo Demokratııalyq Respýblıkasy tarıhyndaǵy eń iri indetke aınalǵanyn málimdedi.
