Kongoda Ebola indeti qaıta órship ketý qaýpi bar
ASTANA. KAZINFORM – Kongo Demokratııalyq Respýblıkasynda 10-22 qańtar aralyǵynda Ebola indetine uqsas belgileri bar aýrýdan segiz adam kóz jumdy, dep habarlaıdy reseılik TASS.

Kongonyń soltústik-batysynda Ebola indeti qaıta órshýi múmkin. Bul týraly Ekvater provıntsııasyndaǵy Qyzyl Krest komıtetiniń basshysy Kolomba Mampýıaǵa silteme jasaǵan Actualite jańalyqtar portaly habarlady.
Qańtardyń 10-y men 22-si aralyǵynda provıntsııada Ebola indetine uqsas belgileri bar syrqattan segiz adam qaza boldy. Aýrý juqtyrǵandardyń jalpy sany – 12. Ólgenderden alynǵan synamalar zerthanaǵa jiberilgen.
- Tek zerthananyń nátıjeleri ǵana aımaq úkimetine Ebola vırýsynyń qaıta paıda bolǵanyn nemese joqtyǵyn resmı túrde jarııalaýǵa múmkindik beredi, - dedi Mampýıa.
Aıta keteıik, Ebola indetiniń eń sońǵy órshýi Ekvater provıntsııasynda 2022 jyldyń sáýir-shilde aılarynda bolǵan. Sol kezde aýrý juqtyrǵan bes adamnyń barlyǵy kóz jumǵan.
Ońtústik Afrıkadaǵy Stılfonteın shahtasynan 78 zańsyz kenshiniń denesi tabyldy.