Kongoda Ebola dertinen qaıtys bolǵandar sany 200-ge jýyqtady
ASTANA. KAZINFORM — Kongoda Ebola dertine shaldyqqandar sany 808-ge, qaıtys bolǵandar 192-ge jetti, dep habarlaıdy Sınhýa.
Bul týraly eldiń Densaýlyq saqtaý mınıstrligi jarııalaǵan.
Jeksenbi kúni 26 jańa rastalǵan jaǵdaı jáne 11 ólim tirkelip, sonyń saldarynan ólim-jitim deńgeıi 23,8 paıyzǵa jetkeni aıtyldy. Aýrýdyń órshýi jónindegi jedel esepke sáıkes, qazirgi ýaqytta 363 naýqas oqshaýlanǵan. Al 48 adam aýrý bastalǵannan beri jazylyp shyqty.
Itýrı, Soltústik Kıvý jáne Ońtústik Kıvý provıntsııalarynda indetke qarsy sharalar jalǵasyp jatyr. 15 mamyr kúni Ebola-Býndıbýgıo vırýsynan týyndaǵan indettiń resmı túrde taralǵany jarııalandy.
Aıta keteıik, Afrıkadaǵy Ebola indeti jańa jahandyq pandemııa aldyndaǵy eskertý bolýy múmkin.
