Kongoda Ebola bezgeginen qaıtys bolǵandar sany 500-ge jaqyndady
ASTANA. KAZINFORM — Kongod demokratııalyq respýblıkasynda Ebola bezgegi áli de órship tur. Elde 1528 rastalǵan jaǵdaı tirkelsa, 492-si vırýstan ajal qushqan. Bul týraly jergilikti densaýlyq saqtaý organdarynyń derekterine silteme jasap, Sınhýa agenttigi habarlady.
Málimetke sáıkes, 239 naýqas saýyǵyp shyqqan, 628 adam em qabyldap jatyr ári oqshaýlanǵan. Taǵy 185 adam kúdikke ilikken. Mamandar aýrýdyń taralý qarqyny áli de joǵary ekenin, sońǵy aptalarda aptasyna 300-den astam jaǵdaı tirkelgenin aıtady.
Dárigerlerge birqatar qıyndyqtar kedergi keltirgenin alǵa tartyp otyr. Medıtsınalyq resýrstardyń jetispeýi, baılanystardy qadaǵalaýdyń álsizdigi jáne keıbir aımaqtarǵa qoljetimdiliktiń shekteýli bolýy qıyndyq týǵyzyp otyr.
Qazirgi ýaqytta yqtımal emdeý tásilderin tekserý úshin klınıkalyq synaqtar bastalǵanymen, bul shtamǵa qarsy maquldanǵan vaktsına da, arnaıy em de áli joq.
Buǵan deıin Frantsııada Ebola vırýsyn juqtyrǵan alǵashqy naýqas tolyq jazylyp shyqqanyn jazdyq.
