Kongoda BUU qyzmetkerlerin óltirgen 51 adam ólim jazasyna kesildi
NUR-SULTAN. QazAqparat - Kongo Demokratııalyq Respýblıkasyndaǵy áskerı trıbýnal 2017 jyly BUU-nyń eki qyzmetkerin óltirgen 51 adamdy ólim jazasyna kesti, dep habarlaıdy QazAqparat Agence France-Presse agenttigine silteme jasap.
Bul is boıynsha sotta 54 aıypty adam bolǵan. Bir kúdikti 10 jylǵa bas bostandyǵynan aıyryldy, taǵy eki aıyptalýshy aqtaldy.
Sonymen birge, agenttik atap ótkendeı, 2003 jyldan bastap Kongoda ólim jazasyna moratorıı engizilgen. Sondyqtan sottalǵanǵandar ómir boıyna bas bostandyǵynan aıyrý jazasyna aýystyrylady.
BUU-nyń eki qyzmetkeri - AQSh azamaty men Shvetsııa azamaty 2017 jyldyń naýryz aıynda Kongonyń Kasaı provıntsııasynda joǵalyp ketken. Olar aımaqtaǵy qarýly qaqtyǵystarda qaza tapqan adamdardyń jappaı beıitteriniń oryndaryn zertteýmen aınalysqan bolatyn.
