Kongoda apatqa ushyraǵan ushaqty reseılik ekıpaj basqarǵan bolýy múmkin
PRETORIıA. QazAqparat - Kongo Demokratııalyq Respýblıkasynda 23 adamy bar An-26 júk tasymaldaýshy ushaq apatqa ushyrady, dep habarlaıdy QazAqparat TASS agenttigine silteme jasap.
Reseıdiń Kongo Demokratııalyq Respýblıkasyndaǵy elshisi Alekseı Sentebovtyń málimdeýinshe, 23 adamnyń úsheýi reseılik bolǵan. Beıresmı habarlarǵa qaraǵanda, ushaqty reseılik ekıpaj basqarǵan.
Dıplomattyń aıtýynsha, ekıpaj músheleriniń taǵdyry ne bolǵany ázirge belgisiz.
«Qazirgi kezde izdestirý-qutqarý jumystary jalǵasyp jatyr. Apatqa ushyraǵan jer, ushqyshtardyń aty-jóni jáne olardyń jaǵdaıy anyqtalyp jatyr», - dep málimdedi Sentebov.
