Kongoda 15 kenshi shahtada tunshyǵyp qaldy
ASTANA. QazAqparat - Kongo Demokratııalyq Respýblıkasynyń ońtústigindegi shahtada zańsyz jumys júrgizý kezinde 15 kenshi tunshyǵyp qalǵan.
Bul oqıǵa Katanga provıntsııasyndaǵy mıneraldar óndirý shahtasynda oryn alǵan.
«Kolvezı shahtasynyń týnnelinde on bes jumysker qaza tapty. Olar 20 metr tereńdikte tunshyǵyp ketip, kóz jumdy», - dep málim etti Kolvezı qalasynyń meri Deod Kapend. Onyń aıtýynsha, shahtadaǵy barlaý jumystary zańsyz júrgizilgen.
Eldiń ońtústigindegi aımaq paıdaly qazbalarǵa baı óńirlerdiń biri bolyp sanalady. Jergilikti turǵyndar óz ómirlerin qaterge tigip, mıneraldardy, sonyń ishinde mys pen kobaltti zańsyz shyǵarýmen aınalysady.
