Kongo túrmesinde jazasyn ótep jatqandardyń bári qashyp ketti
ASTANA. QazAqparat - Belgisiz qarýlanǵan adamdar Kongo Demokratııalyq Respýblıkasynyń shyǵysyndaǵy túrmege oq jaýdyryp, jazasyn ótep jatqan 370 tutqynnyń bárin bosatyp aldy.
Al Jazeera habarlaǵandaı, boljam boıynsha bul oqıǵaǵa «Odaqtyq demokratııalyq kúshter - Ýgandany azat etýdiń ulttyq armııasy» radıkaldy toby músheleriniń qatysy bar. Alaıda jergilikti bıliktegilerdiń basqasha aıtyp otyr. Býtembo qalasy meriniń pikirinshe, shabýyl jasaǵandar qaraqshylar bolǵan.
KDR-da turaqsyz jaǵdaı saqtalýda. Qazir elde 18,5 myń áskerı qyzmetker men MONUSCO-nyń 500 áskerı baqylaýshysy, sonymen birge, 1,5 myń polıtseı bar. Bitimgerler eldi jaılaǵan túrli áskerı toptarmen kúresýde.
