Kongo Respýblıkasynda kópirdiń opyrylýynan 32 adam qaza tapty

ASTANA. KAZINFORM — Kongo Demokratııalyq Respýblıkasyndaǵy (KDR) mys kenishinde kópirdiń opyrylýy saldarynan kem degende 32 adam qaza tapty, dep habarlaıdy Sınhýa.

Provıntsııanyń ishki ister mınıstri Roı Kaýmba Maıondeniń aıtýynsha, senbi kúni ońtústiktegi Lýalaba provıntsııasynyń Kalando kenishinde bolǵan qulaý kezinde qaza tapqan 32 adamnyń denesi tabyldy.

Mınıstr jer qazýshylar karer aýmaǵyna «qatty jańbyr men kóshkin qaýpine baılanysty alańǵa kirýge qatań tyıym salynǵanyna» qaramastan kirgenin atap ótti.

Osyǵan deıin BUU Kongoda qarýly toptardyń qolynan 410 balany bosatyp alǵanyn jazǵan edik.