Kongo ken oryndaryn kúzetetin áskerılendirilgen qurylym qurmaq
ASTANA. KAZINFORM – Kongo Demokratııalyq Respýblıkasynda taý-ken nysandarynyń qaýipsizdigin kúsheıtý úshin arnaıy áskerılendirilgen qurylym jasaqtalyp jatyr. «Ken kúzeti» dep atalatyn bul kúsh el aýmaǵyndaǵy resýrstardy óndirý men olardy tasymaldaý protsesin tolyq baqylaýǵa almaq, dep habarlaıdy Aljazeera.
Josparǵa sáıkes, 2028 jyldyń sońyna deıin 20 myńnan astam adam qyzmetke tartylady. Alǵashqy bólimsheler jarty jyldyq daıarlyqtan soń bıylǵy jeltoqsanda jumysyn bastaıdy.
Jobanyń jalpy quny 100 mln dollardy quraıdy. Ony Amerıka Qurama Shtattary men Birikken Arab Ámirlikteri qarjylandyryp otyr. AQSh úshin bul bastama kobalt, mys, lıtıı sekildi mańyzdy shıkizatqa qol jetkizýdi nyǵaıtyp, qytaılyq kompanııalardyń yqpalyn shekteýge múmkindik beredi.
Bul óńir tabıǵı baılyqqa baı bolǵanymen, qarýly toptardyń áreketi men zańsyz ken aınalymy ózekti másele bolyp qala beredi. Jańa qurylym osy salany retke keltirip, batys elderimen jumys isteıtin jetkizilim tizbeginiń ashyqtyǵy men qaýipsizdigin qamtamasyz etýge baǵyttalǵan.
Osyǵan deıin Kongodo shahta opyrylyp, 200-den astam adam kóz jumǵany týraly jazdyq.
