Kongo DR-da Ebolaǵa qarsy eki jańa vaktsınanyń klınıkalyq synaǵy bastalady
ASTANA. KAZINFORM – Dúnıejúzilik densaýlyq saqtaý uıymy Kongo Demokratııalyq Respýblıkasynda Ebola vırýsynyń Býndıbýdjıo túrine qarsy eki vaktsınanyń klınıkalyq synaǵynyń ekinshi kezeńin ótkizýge daıyndyq bastalǵanyn jarııalady, dep habarlaıdy Anadolu agenttigi.
DDU ókili Meg Doertıdiń Jenevada ótken baspasóz máslıhatynda málimdeýinshe, zertteýdiń ekinshi kezeńin ótkizýge ruqsat ótken aptada alynǵan. Synaqtardy 26 nemese 27 qarashada Býnıa qalasynda bastaý josparlanyp otyr.
Vaktsınalardyń biri – ChAdOx1 preparatyn Oksford ýnıversıteti Úndistannyń sarysý ınstıtýtymen (Serum Institute of India) birlesip ázirlegen. Ekinshi vaktsınany amerıkalyq Moderna kompanııasy jasaǵan.
Zertteýdiń jańa kezeńinde ǵalymdar preparattardyń qaýipsizdigin jáne ımmýndyq jaýap qalyptastyrý qabiletin tekseredi. Belgilengen talaptarǵa saı keletin vaktsınalar tıimdiligin baǵalaý úshin zertteýdiń úshinshi kezeńine jiberiledi.
Tumani klınıkalyq zertteýi 23 qazanda bastalǵan. DDU málimetinshe, oǵan qazirdiń ózinde 140-tan astam erikti qatysyp jatyr. Aldaǵy ýaqytta qosymsha zertteý alańdaryn ashý jáne mobıldi medıtsınalyq toptardy tartý arqyly qatysýshylar sanyn birneshe myńǵa deıin arttyrý kózdelgen.
DDU bas dırektory Tedros Adhanom Gebreıesýs aýrýdyń taralýy jalǵasyp jatqan tusta jańa vaktsınalardy ázirleýdiń mańyzyn atap ótti.
Onyń málimetinshe, tirkelgen juqtyrý derekteriniń sany 11 300-den, al qaıtys bolǵandar sany 5 500-den asqan. Apta saıyn 400-den 500-ge deıin jańa jaǵdaı anyqtalady.
DDU basshysy medıtsına qyzmetkerlerine jasalǵan shabýyldar men naýqastardy anyqtaýdyń keshigýine de alańdaýshylyq bildirdi. Onyń aıtýynsha, bul jaǵdaılar ınfektsııanyń taralýyna qarsy kúresti qıyndatyp otyr.
Eske sala ketsek, buǵan deıin Kongo Demokratııalyq Respýblıkasynda Ebola vırýsynan 5,5 myńnan astam adam qaıtys bolǵanyn jazdyq.