Kongo DR-da Ebola indetinen qaza tapqandar sany 2500-den asty
ASTANA. KAZINFORM – Kongo Demokratııalyq Respýblıkasynda Ebola vırýsy indetinen qaza tapqandar sany 2500-den asty. Olardyń jartysyna jýyǵy sońǵy 20 kún ishinde kóz jumǵan, dep habarlaıdy Euronews.
BUU málimetinshe, bul – el tarıhyndaǵy eń iri ári eń jyldam taralyp jatqan Ebola indeti. Mamandar vırýs juqtyrǵandar sany geometrııalyq progressııamen ósip kele jatqanyn eskertedi.
Іndet eldiń soltústik-shyǵys óńirlerin qamtyǵan. Olardyń jalpy aýmaǵy Frantsııanyń aýmaǵynan da úlken. Bul aımaqtarda tıisti ınfraqurylym men turaqty bılik júıesi joq. Munda ondaǵan jyl boıy qarýly toptar áreket etip keledi. Olar keı jaǵdaıda dárigerlerdiń jumysyna kedergi keltirip, medıtsına qyzmetkerlerine shabýyl jasaǵan.
Ebola vırýsyn 160 medıtsına qyzmetkeri juqtyrǵan, olardyń 43-i qaıtys boldy.
Іndet týraly resmı túrde mamyr aıynyń ortasynda jarııalanǵan. Alaıda mamandar vırýs oǵan deıin birneshe apta boıy taralyp kelgen dep esepteıdi.
Qazirgi indet Ebola vırýsynyń ázirge tıimdiligi dáleldengen vaktsınasy joq túrinen týyndaǵan.
Soǵan qaramastan BUU mamandary indetti birneshe aı ishinde aýyzdyqtaýǵa bolady dep esepteıdi. Ol úshin kúres sharalaryn qarjylandyrýdy aıtarlyqtaı arttyrý qajet. Áıtpese vırýs kórshiles elderge taralýy múmkin.
Aıta keteıik, buǵan deıin Ebola dertinen Kongo Demokratııalyq Respýblıkasynda ár jarty saǵat saıyn bir adam kóz jumyp jatqanyn jazdyq.
