Kongo Demokratııalyq Respýblıkasynda Ebola juqtyrǵandar sany 1 500-den asty – DDU
ASTANA. KAZINFORM – KDR-da Ebola vırýsyn juqtyrýdyń 1 502 zerthanalyq rastalǵan jaǵdaıy tirkeldi. Onyń ishinde 473 adam qaıtys boldy, dep habarlaıdy Sınhýa.
Dúnıejúzilik densaýlyq saqtaý uıymy (DDU) indettiń áli de kúrdeli deńgeıde qalyp otyrǵanyn málimdedi.
Kongonyń densaýlyq saqtaý organdary juma kúni jarııalaǵan sońǵy málimetke sáıkes, qazirgi ýaqytta 628 naýqas oqshaýlanǵan nemese statsıonarda em qabyldap jatyr. Al 229 adam saýyǵyp shyqqan.
Sondaı-aq Ebolaǵa kúdikti taǵy 213 jaǵdaı tirkelgen. Onyń ishinde 63 adam kóz jumǵan.
DDU-nyń Afrıka boıynsha óńirlik dırektory Mohamed ıAkýb Djanabı onlaın brıfıng barysynda jaǵdaıdyń áli de kúrdeli ekenin aıtty.
Onyń sózinshe, vırýs eldiń shyǵysyndaǵy Itýrı jáne Soltústik Kıvý provıntsııalarynda taralýyn jalǵastyryp jatyr.
DDU ókiliniń aıtýynsha, bul – Býndıbýgıo shtamynan týyndaǵan Ebola indetiniń tarıhtaǵy eń iri órshýi bolyp otyr.
Aıta keteıik, jýyrda Frantsııada Ebola vırýsyn juqtyrǵan alǵashqy naýqas tolyq jazylyp shyqqany habarlandy.
