Konfrentsııa lıgasy: «Astana» alǵashqy oıynda «Brannǵa» ese jiberdi

ASTANA. KAZINFORM – Búgin fýtboldan UEFA Konferentsııa lıgasynyń pleı-off kezeńinde qazaqstandyq «Astana» Norvegııanyń «Brann» komandasymen oıyn ótkizdi. 

Kezdesý barysynda norvegııalyq komanda eki gol soǵyp ketti. Olardyń qatarynan Felıks Mıýre 12-mınýtta esep ashsa, Bor Fınne 70-mınýtta mergendik tanytty.

Osylaısha elordalyq klýb alǵashqy oıynda qarsylasyna 0:2 esebimen ese jiberdi.

Endi qarymta oıyn 29 tamyz kúni ótedi.

«Brann» komandasy Bergen qalasynda 1908 jyly qurylǵan. Norvegııa chempıonatynda úsh márte jeńis tuǵyryna kóterildi. Búginge deıin eýrokýbok oıyndarynda birneshe márte baq synady. 2007/08 jylǵy maýsymda UEFA kýbogynyń toptyq kezeńinde óz tobynda úshinshi oryn aldy.

«Astana» týrnırdi ekinshi irikteý kezeńinen bastap, alǵashqy aınalymda Moldovanyń «Mılsamı» klýbyn (1:0, 1:1) qapy qaldyrsa, odan keıin Rýmynııanyń «Korvınýl» komandasynan (2:1, 6:1) basym tústi.