Konfessııaaralyq kelisimniń qazaqstandyq modelin jasaı aldyq - Nursultan Nazarbaev

ASTANA. QazAqparat - Qazaqstan - ulttyq qaýipsizdik pen dinı erkindikti qorǵaý arasyndaǵy úılesimdi tapqan memleket. Álemdik jáne dástúrli dinder kóshbasshylarynyń VI sezinde Qazaqstan Prezıdenti Nursultan Nazarbaev osylaı dedi, dep habarlaıdy QazAqparat tilshisi.

«Bizdiń memlekette halyqtyń kóbi ózin musylman dep sanaǵanymen, basqa dindegilerdiń erkindigine bul eshqandaı kedergi keltirmeıdi. Bizdiń elordany aralap júrip, buǵan anyq kóz jetkize alasyz. Ártúrli dinderdiń hramdary Astanada bar. Ol jerge adamdar erkin baryp, qudaıǵa jalbaryna alady», - dedi Nursultan Nazarbaev.

Memleket basshysy óz sózinde Qazaqstanda 3,5 myń dinı sýbekt pen ártúrli 18 konfessııa baryn aıtty.

«Osyǵan qaramastan, Qazaqstan ulttyq qaýipsizdik pen dinı erkindikti qorǵaý arasyndaǵy úılesimdi tapty. Bizdiń memlekette konfessııaaralyq beıbitshilik pen kelisimniń erekshe - qazaqstandyq modelin qurýǵa qol jetkize aldyq. Qazaqstannyń tájirıbesin jahandyq deńgeıde qoldanýǵa bolatynyn atap ótýge bolady. Bizdiń birlesken jumysymyz beıbitshilikti, progresti qalyptastyrýda naqty nátıje bere alady», - dedi Qazaqstan Prezıdenti.

Eske sala ketsek, elordada QR Prezıdenti Nursultan Nazarbaevtyń tóraǵalyǵymen Álemdik jáne dástúrli dinder kóshbasshylarynyń  VI sezi ótip jatyr.

Sez barysynda Qazaqstan Prezıdenti Nursultan Nazarbaev memleketter arasyndaǵy senimdi nyǵaıtyp, qaýipsiz álemdi qalyptastyrý jolynda konfessııaaralyq, órkenıetaralyq dıalog ortalyǵyn bekitýge daıyn ekenin málimdegen bolatyn.

Sondaı-aq Qazaqstan Prezıdenti Vatıkannyń papalyq keńesine «Dinaralyq dıalogqa úles qosqany» úshin syılyǵyn tabys etti. Al orys pravoslavıe shirkeýiniń epıskopy, Volokolam mıtropolıti, Máskeý men búkil Rýs Patrıarhynyń vıkarıi Mıtropolı́t Ilarıón Astanadaǵy dástúrli dánder sezi álemdegi eń iri forýmdardyń birine aınalǵanyn atap ótti.