Konferentsııa lıgasynyń toptyq kezeńi: «Astanaǵa» «Chelsı» qarsylas atandy

ASTANA. KAZINFORM - Elordalyq «Astana» komandasynyń Konferentsııa lıgasy toptyq kezeńindegi qarsylastary anyqtaldy. 

Jerebe nátıjesimen qazaqstandyq klýbqa Anglııanyń «Chelsı», Kıprdiń APOEL jáne «Pafos», Portýgalııanyń «Vıtorııa» (Gımaraınsh), Ýelstiń «Nıý-Seınts» jáne Serbııanyń TSTs komandalary qarsylas atandy.

Elordalyq ujym óz alańynda «Chelsı», «Vıtorıeı» jáne TSTs klýbtaryn qabyldasa, syrt alańda APOEL, «Nıý-Seınts» jáne «Pafospen» kezdesedi.

29 tamyzda «Astana» Norvegııanyń «Brann» komandasyn 3:0 esebimen jeńdi. Alǵashqy oıyndar olar qarsylasyna 0:2 esebimen ese jiberdi. Eki oıynnyń nátıjesimen qazaqstandyq komanda toptyq kezeńge joldama aldy.

«Astana» týrnırdi ekinshi irikteý kezeńinen bastady, alǵashqy aınalymda Moldovanyń «Mılsamı» klýbyn (1:0, 1:1) qapy qaldyrsa, odan keıin Rýmynııanyń «Korvınýl» komandasynan (2:1, 6:1) basym tústi.