Konferentsııa lıgasynda «Astana» rýmynııalyq «Korvınýldy» jeńip ketti
ASTANA. KAZINFORM — Fýtboldan Konferentsııa lıgasy úshinshi irikteý kezeńinde elordalyq «Astana» Rýmynııanyń «Korvınýl» komandasymen kezdesti.
Elordalyq klýb bıyl eýrokýbok oıynynda toptyq kezeńde synǵa túsýdi aldyna maqsat etip qoıyp otyr. Sondyqtan árbir kezdesýde jaqsy nátıjege qol jetkizýge tyrysyp keledi.
Qazaqstandyq komandanyń búgingi qarsylasy «Korvınýl» Rýmynııa chempıonatynda birinshi lıgada oınaıdy.
Soǵan qaramastan kez kelgen qarsylasyna ońaılyqpen jeńis syılaı qoımaıdy.
Alǵashqy goldy alań ıeleri soǵyp ketti. Olardyń qatarynan Antonıo Manolake 37-mınýtta mergendik tanytty.
Al «Astana» sapynan Ýsman Kamara 62-mınýtta tarazy basyn teńestirse, Djeffrı Chınedý 80-mınýtta óz komandasyn alǵa shyǵardy.
Osylaısha elordalyq klýb qarsylasynan 2:1 esebimen basym tústi.
Endi qarymta kezdesý 15 tamyz kúni ótkiziledi.
Eske salsaq, budan buryn Konferentsııa lıgasynda «Ordabasy» alǵashqy kezdesýinde «Pıýnıkten» jeńilgen edi.
