Konferentsııa lıgasy: «Tobyl» úshinshi irikteý kezeńde kimdermen oınaýy múmkin
ASTANA. KAZINFORM - Búgin, 20 shildede Shveıtsarııanyń Non qalasynda qostanaılyq «Tobyl» komandasynyń UEFA Konferentsııa lıgasy úshinshi irikteý kezeńindegi yqtımal qarsylastary anyqtaldy.
Qazaqstandyq klýb jarystyń atalǵan satysynda «Partızan» (Serbııa) - «ÝNA Shtrassen» (Lıýksembýrg) jubynyń jeńimpazymen oınaıdy. Birinshi kezdesý 6 tamyzda syrt alańda ótse, qarymta oıyn 13 tamyzǵa belgilengen.
Oǵan deıin qazaqstandyq komanda ekinshi irikteý kezeńinde Lıtvanyń «Panevejıs» komandasymen sheberlik baıqasady. Alǵashqy oıyn 23 shildede Qazaqstan ýaqytymen 20:30-da syrt alańda bolsa, qarymta kezdesý 30 shildede saǵat 19:00-de Qostanaıda ótedi.
Aıta ketsek, budan buryn almatylyq «Qaırattyń» UEFA Chempıondar lıgasy úshinshi irikteý kezeńinde yqtımal qarsylastary belgili boldy. Qazaqstandyq komanda bul kezeńde «Levskı» (Bolgarııa) - «Ýnıversıtatıa Kraıova» (Rýmynııa) jubynyń jeńimpazymen kezdesedi. Oǵan deıin 22 jáne 29 shilde kúnderi almatylyq klýb ekinshi irikteý kezeńinde Kıprdiń «Omonııa» klýbymen sheberlik baıqasady.
Eger ekinshi irikteý kezeńinde qarsylasyna ese jibergen jaǵdaıda «Qaırat» Eýropa lıgasy úshinshi irikteý kezeńinde «Melbıý» (Shvetsııa) - «Lınkoln Red Imps» (Gıbraltar) jubynyń jeńimpazymen oınaıdy.
Aıta ketsek, qazirge deıin almatylyq fýtbolshylar Chempıondar lıgasy birinshi irikteý kezeńinde Chernogorııanyń «Sýteska» klýbyn (2;1, 2:0) qapy qaldyrdy.
