Konferentsııa lıgasy: «Ordabasy» pleı-off satysyna shyǵa ala ma

ASTANA. KAZINFORM - Búgin fýtboldan UEFA Konferentsııa lıgasynyń úshinshi irikteý kezeńinde qazaqstandyq «Ordabasy» Armenııanyń «Lıýnık» komandasymen qarymta oıyn ótkizedi. 

Kezdesýi 15 tamyzda jergilikti ýaqytpen 20:50-de bastalyp, «Qazsport» telearnasynan tikeleı efırde kórsetiledi.

Atalǵan oıynda bas tóreshi mindetin portýgalııalyq Mıgel Nogeıra atqarady. Oǵan Brýný Alvesh pen Jezýsh Paýlý Brash kómekshilik etedi. Tórtinshi tóreshi de sol eldiń ókili Brýný Vıeıra.

Eki komanda arasyndaǵy alǵashqy oıynda shymkenttik klýb qarsylasyna 0:1 esebimen jol berdi.
Aıta ketsek, shymkenttik «Ordabasy» komandasy penaltıler serııasy arqyly «Dıfferdanj-03» klýbynan basym túsip, UEFA Konferentsııa lıgasynyń úshinshi satysyna joldama aldy.

«Pıýnık» komandasy 1992 jyly qurylǵan. Qazirge deıin bıyl ǵana óz elinde 16 márte chempıondyq ataqty jeńip aldy.

Armenııalyq klýb 2022/23 jylǵy maýsymda Konferentsııa lıgasynda toptyq kezeńde synǵa tústi. Toptyq kezeńde Shveıtsarııanyń «Bazel» (1:2, 1:3), Chehııanyń «Slovan» (2:0, 1:2), Lıtvanyń «Jalgırıs» (2:0, 1:2) komandalarymen synǵa túsip, úshinshi orynǵa turaqtady.

Eske salsaq, budan buryn elordalyq «Astana» Konferentsııa lıgasy úshinshi irikteý kezeńinde Rýmynııanyń «Korvınýl» komandasyn (2:1, 6:1) jeńip, pleı-off satysyna joldama aldy.