Konferentsııa lıgasy: «Ordabasy» ekinshi aınalymǵa shyǵa ala ma

ASTANA. KAZINFORM - Shymkenttik «Ordabasy» fýtbol komandasy UEFA Konferentsııa lıgasy birinshi irikteý kezeńinde búgin Grýzııanyń «Torpedo» (Kýtaısı) komandasymen qarymta oıyn ótkizedi.

Kezdesý qazaqstandyq ýaqytpen saǵat 21:00-de bastalyp, «Qazsport» telearnasynan tikeleı efırde kórsetiledi.

«Torpedo» komandasy 1946 jyly qurylǵan. Grýzııanyń Ýmaglesı lıgasynda 1999/00, 2000/01, 2001/02, 2017 jyldary chempıon ataǵyna qol jetkizdi. Byltyr óz elinde kúmis júldeger atandy.

Alǵashqy oıynda grýzııalyq klýb 4:3 esebimen basym túsken edi.

Atalǵan komanda eýrokýbok oıyndarynda qazaqstandyq klýbtarmen úsh márte kezdesti. Aldymen 2012 jyly Eýropa lıgasy birinshi irikteý kezeńinde «Aqtóbege» (1:1, 0:1) jol berse, odan keıin «Ordabasyǵa» (0:2, 0:1) qarsy tura alǵan joq.

Al 2023 jyly Konferentsııa lıgasynda taǵy da «Aqtóbege» (1:4, 2:1) ese jiberip qoıdy.