Konferentsııa lıgasy: «Ordabasy» «Dıfferdanj-03» komandasynan basym tústi

ASTANA. KAZINFORM – Búgin fýtboldan UEFA Konferentsııa lıgasynyń ekinshi irikteý kezeńinde qazaqstandyq «Ordabasy» Lıýksembýrgtiń «Dıfferdanj-03» komandasymen kezdesti.

Alǵashqy kezdesýde shymkenttik komanda qarsylasyna 0:1 esebimen ese jiberdi. Búgingi kezdesý bastalǵan sátten shymkenttik klýb shabýylǵa shyǵýǵa tyrysqan edi. Degenmen «Dıfferdanj-03» sapynan 2-mınýtta Gııom Tranı esep ashyp ketti.

Al 24-mınýtta lıýksembýrgtik komandadan Teo Brıýsko avtogoldyń avtory atansa, 55-mınýtta «Ordabasy» kapıtany Ashat Taǵybergen óz komandasyn alǵa shyǵardy.

Oıynnyń 59-mınýtynda «Dıfferdanj-03» sapynan Horhe Gabrıel Kosta Monteıro tarazy basyn teńestirse, 82-mınýtta «Ordabasy» sapynan Vsevolod Sadovskıı mergendik tanytty.

Bul kezdesýde shymkenttik klýb 3:2 esebimen jeńip, eki oıynnyń nátıjesimen esep teńesti. Overtaımnyń 105-mınýtynda «Dıfferdanj-03» qaqpasyna belgilengen penaltıden Baýyrjan Islamhan múlt ketti.

Al 116-mınýtta shymkenttik klýbtan Saǵadat Tursynbaı lıýksembýrgtik qaqpasyna belgilengen taǵy bir penaltıdi qaqpaǵa engizse, oǵan qarsylastar sapynan Horhe Gabrıel Kosta Monteıro taǵy bir golmen jaýap qaıyrdy.

Oıynda «Ordabasy» 4:3 esebimen basym tústi. Endi jeńimpaz penaltıler serııasy anyqtalatyn boldy. Bul joly «Ordabasy» jarysty jalǵastyrýǵa múmkindik aldy. Shymkenttik qaqpashy Bekhan Shaızada úsh penaltıdi qaıtaryp, óz komandasynyń jeńisine úles qosty.

Endi olar atalǵan týrnırdiń úshinshi satysynda 8 jáne 15 tamyzda Armenııanyń «Pıýnık» komandasymen kezdesedi.

Eske salsaq, budan buryn elordalyq «Astana» Moldovanyń «Mılsamı» klýbyn (1:0, 1:1) jeńip, jarystyń úshinshi satysyna shyqty.