Konferentsııa lıgasy: «Ordabasy» alǵashqy kezdesýinde «Pıýnıkten» jeńildi

ASTANA. KAZINFORM - Fýtboldan Konferentsııa lıgasy úshinshi irikteý kezeńinde shymkenttik «Ordabasy» Armenııanyń «Pıýnık» komandasymen kezdesti.

Kezdesý barysynda komandalar tartysty oıyn ótkizdi. Birinshi kezeńde shymkenttik klýbtan Vladıslav Sadovskıı 24-mınýtta gol soqqan edi. Bas tóreshi atalǵan goldy fýtbolshynyń oıynnan tys qalýyna baılanysty sanaǵan joq.

Ekinshi kezeńde qarsylastar bir-biriniń qaqpasy mańynda jıi boı kórsetti. Soǵan qaramastan komandalar tablodaǵy esepti ózgertýge qoly jetpeı jatty. Oıynnyń 56-mınýtynda «Pıýnık» sapynan ıÝsýf Otýbandjo qaqpadan sańylaý taýyp ketti.

Óz qaqpasyna gol jiberip alǵan «Ordabasy» tarazy basyn teńestirýge umtyldy. Alaıda degenine jete alǵan joq.

Osylaısha «Ordabasy» qarsylasyna 0:1 esebimen jeńilip qaldy.

Endi qarymta oıyn 15 tamyz kúni ótedi.

Aıta ketsek, budan buryn atalǵan týrnırdiń ekinshi irikteý kezeńinde qazaqstandyq «Ordabasy» Lıýksembýrgtiń «Dıfferdanj-03» komandasyn qapy qaldyryp ketti.

Búgin 23:00-de «Astana» Konferentsııa lıgasy úshinshi irikteý kezeńinde syrt alańda Rýmynııanyń «Korvınýl Hýnedoara» komandasymen sheberlik baıqasady.