Konferentsııa lıgasy: Marın Tomasovtyń jalǵyz goly «Astanany» úshinshi kezeńge alyp shyqty

ASTANA. KAZINFORM – Búgin fýtboldan UEFA Konferentsııa lıgasynyń ekinshi irikteý kezeńinde qazaqstandyq «Astana» Moldovanyń «Mılsamı» komandasymen kezdesti.

Alǵashqy kezdesýde komandalar 1:1 esebimen qanaǵat bildirgen edi. Sondyqtan búgingi oıynda eki komanda jyldam gol soǵýǵa tyrysty.

Elordalyq klýbtyń belsendiligi baıqalyp turdy. Oǵan moldovalyq fýtbolshylar laıyqty qarsylyq kórsetti. «Astana» komandasynyń shabýyl shebinde oınaıtyn Marın Tomasov, Ýsman Kamara jáne Maks Ebong kóptegen sátte múlt ketip jatty. Osylaısha birinshi kezeńde tablodaǵy esepke ózgeris engen joq.

Oıynnyń 49-mınýtynda elordalyq klýbtan Marın Tomasov mergendik tanytyp, óz komandasyn alǵa shyǵardy. Budan keıin moldovalyq komandadan Ime Ndon dórekilik tanytyp, eki sary qaǵazdan keıin alańnan qýyldy.

Osylaısha «Astana» qarsylasynan 1:0 esebimen basym túsip, jarystyń úshinshi kezeńine shyqty. Dál qazir Shymkent qalasynda jergilikti «Ordabasy» men Lıýksembýrgtiń «Dıfferdanj-03» komandalary oınap jatyr. Birinshi kezeńnen keıin esep 1:1. Alǵashqy kezdesýde «Dıfferdanj-03» 1:0 esebimen basym túsken edi.

Condaı-aq qostanaılyq «Tobyl» Qazaqstan ýaqytymen 21:00-de óz alańynda Shveıtsarııanyń «Sankt-Gallen» klýbymen oınaıdy.