Konferentsııa lıgasy: «Krıstall Pelas» «Zrınskı» klýbymen teń oınady
ASTANA. KAZINFORM - Búgin UEFA Konferentsııa lıgasy pleı-off kezeńiniń alǵashqy oıyndary ótti.
Dop dodasynyń bul kezeńinde Anglııanyń «Krıstall Pelas» komandasy syrt alańda Bosnııa jáne Gertsogovınanyń «Zrınskı» klýbymen kezdesken edi. Tartysty ótken oıynda jeńimpaz anyqtalǵan joq. Kezdesý barysynda anglııalyq klýbtan Ismaıla Sarr 44-mınýtta esep ashsa, oǵan Karlo Abramovıch 55-mınýtta bir golmen jaýap qaıyrdy.
Osylaısha komandalar 1:1 esebine qanaǵat bildirdi.
19 aqpan
- KýPS (Fınlıandııa) - «Leh Poznan» (Polsha) 0:2
- «Sıgma» (Chehııa) - «Lozanna» (Shveıtsarııa) 1:1
- «Zrınskı» (Bosnııa jáne Gertsogovına) - «Krıstall Pelas» (Anglııa) 1:1
- «Noa» (Armenııa) - «AZ Alkmaar» (Nıderland) 1:0
- «Drıta» (Kosovo) - «Tsele» (Slovenııa) 2:3
- «ıAgellonııa» (Polsha) - «Fıorentına» (Italııa) 0:3
- «Omonııa» (Kıpr) - «Rıeka» (Horvatııa) 0:1
- «Shkendııa» (Soltústik Makedonııa) - «Samsýnspor» (Túrkııa) 0:1
Qarymta oıyndar 26 aqpanǵa belgilengen.
Al negizgi kezeńde alǵashqy segizdikte bolǵan «Strasbýr» (Frantsııa), «Rakýv» (Polsha), «AEK Afıny» (Grekııa), «Sparta Praga» (Chehııa), «Raıo Valekano» (Ispanııa), «Shahter» (Ýkraına), «Maınts 05» (Germanııa), «AEK Larnaka» (Kıpr) komandalary 1/8 fınalǵa birden joldama aldy.
Fınal 27 mamyrda Germanııanyń Leıptsıg qalasyndaǵy «Red Býll Arena» stadıonynda ótkiziledi.
Eske salsaq, budan buryn UEFA Chempıondar lıgasy pleı-off kezeńiniń alǵashqy oıyndary ótti.