Konferentsııa lıgasy: «Qaırat» eki týrdan keıin neshinshi orynda tur
ASTANA. KAZINFORM — Konferentsııa lıgasynyń 2026-27 jylǵy maýsymyndaǵy jalpy kezeńniń ekinshi týry aıaqtaldy, dep jazady Sports.kz.
Eki týrdyń qorytyndysy boıynsha almatylyq «Qaırattyń» enshisinde bir upaı bar. Komanda týrnır kestesinde 31-orynda tur. Odan tómende ázirge upaı jınaı almaǵan 5 klýb ornalasqan.
«Qaırat» Konferentsııa lıgasynyń negizgi kezeńindegi alǵashqy matchyn syrt alańda latvııalyq «Rıgaǵa» qarsy ótkizip, 1:1 esebimen teń tústi. Alaıda ekinshi týrda óz alańynda grek klýby «Panatınaıkosqa» 1:5 esebimen oısyraı utyldy.
Rafael Ýrazbahtın jattyqtyratyn komanda kelesi kezdesýin 5 qarashada Bergamoda ıtalııalyq «Atalantaǵa» qarsy ótkizedi.
Jalpy kezeń aıasynda «Qaırat» budan bólek nıderlandtyq «Tvente», rýmynııalyq «Ýnıversıtatıa» jáne shvetsııalyq «Melbıý» klýbtarymen de kezdesedi.
Aıta keteıik, Qazaqstan Premer-lıgasy HHІ týryndaǵy keıinge qaldyrylǵan kezdesýinde almatylyq «Qaırat» óz alańynda Astananyń «Jeńisin» súrindirgen bolatyn.
