Konferentsııa lıgasy: «Qaırat» Almatyda «Panatınaıkosqa» ese jiberdi
ASTANA. KAZINFORM — Búgin fýtboldan UEFA Konferentsııa lıgasy negizgi kezeńi ekinshi týryndaǵy «Qaırat» (Almaty, Qazaqstan) — «Panatınaıkos» (Grekııa) kezdesýi ótti.
Jankúıerler bul kezdesýdi asyǵa kútti. Qazaqstandyq komanda alǵashqy týrda syrt alańda Latvııanyń «Rıga» klýbymen 1:1 esebine qanaǵat bildirgen edi. Sol sáttilik serııasyn jalǵastyryp, almatylyq komanda jeńiske jetýge kúsh salatynynan úmittendi. Degenmen grekııalyq klýb sapynda tájirıbeli fýtbolshylar jınaqtalǵan. Sondyqtan «Qaırat» úshin bul kezdesýdiń ońaıǵa soqpaıtyny belgili boldy.
Kezdesý barysynda grekııalyq klýb alǵashqy bolyp esep ashty. Aldymen olardyń qatarynan 6-mınýtta Vısente Taborda esep ashsa, 24-mınýtta Sırıl Dessers penaltıden múlt ketken joq.
Ekinshi kezeńde grekııalyq komanda taǵy úsh gol soqty. Oıyn barysynda Sırıl Dessers 47-mınýtta taǵy bir márte kózge tússe, Kıngz Kangva 57, Elmın Rastoder 75-mınýtta mergendik tanytty.
Al almatylyq klýb sapynan Ismaıl Bekbolat 79-mınýtta bir golmen jaýap qaıyrdy.
Osylaısha, «Qaırat» qarsylasyna 1:5 esebimen ese jiberdi.
Endi qazaqstandyq komanda syrt alańda Italııanyń «Atalanta» klýbymen kezdesse, 26 qarashada óz alańynda Shvetsııanyń «Melbıý» komandasymen oınaıdy.
Odan keıin óz alańynda 10 jeltoqsanda Rýmynııanyń «Ýnıversıtatıa Kraıovosyn» qabyldasa, 17 jeltoqsanda Nıderlandta «Tventemen» kezdesedi.UEFA Konferentsııa lıgasynyń alǵashqy týrynda «Qaırat» syrt alańda Latvııanyń «Rıga» komandasymen 1:1 esebimen teń tússe, «Panatınaıkos» óz alańynda Bosnııa jáne Gertsogovınanyń «Borats» klýbyn 2:1 esebimen qapy qaldyrdy.
