Konferentsııa lıgasy: «Elimaı» syrt alańda «Alashkertpen» teń tústi
ASTANA. KAZINFORM — Búgin fýtboldan UEFA Chepıondar lıgasy birinshi irikteý kezeńinde qazaqstandyq «Elimaı» (Semeı) syrt alańda Armenııanyń «Alashkert» komandasymen kezdesti.
Alǵashqy mınýttan komandalar bir-biriniń qaqpasy mańynda jıi boı kórsetti. Soǵan qaramastan birinshi kezeńde komandalar bir-biriniń qaqpasynan sańylaý taba alǵan joq.
Oıynnyń 60-mınýtynda semeılik klýbtan Arsen Áshirbek qarsylas komanda qaqpashysyn qapy qaldyrdy. Bul — semeılik klýbtyń eýrookýbok oıyndarydaǵy tuńǵysh goly. Degenmen 86-mınýtta armenııalyq klýbtan Davıd Terterıan tarazy basyn teńestirdi.
Eki komandanyń budan keıin esepti ózgertetin birneshe múmkindigi boldy. Degenmen ony fýtbolshylar paıdasyna jarata alǵan joq.
Osylaısha komandalar 1:1 esebine qanaǵat bildirdi.
Endi qarymta kezdesý 16 shildede Semeı qalasynda ótkiziledi.
Aıta ketsek, búgin 00:00–de elordalyq «Astana» Konferentsııa lıgasy birinshi irikteý kezeńinde syrt alańda Albanııanyń «Dınamo Sıtı» komandasymen kezdesedi.
Sondaı-aq qostanaılyq klýb Konferentsııa lıgasyn ekinshi irikteý kezeńinen bastaıdy. Qarsylasy - Lıtvanyń «Panevejıs» klýby.
Al budan buryn almatylyq «Qaırat» UEFA Chempıondar lıgasy 2026/27 maýsymynyń birinshi irikteý kezeńindegi alǵashqy matchynda Chernogorııanyń «Sýteska» klýbyn 2:1 esebimen jeńdi.
