Konferentsııa lıgasy: «Astana» úshinshi irikteý kezeńinde qaı komandamen kezdesedi

ASTANA. KAZINFORM — UEFA Konferentsııa lıgasy «Astana» komandasynyń úshinshi irikteý kezeńindegi qarsylasy anyqtaldy.

Qazaqstandyq komanda endi 7 jáne 14 tamyz kúnderi Shveıtsarııanyń «Lozanna» klýbymen sheberlik baıqasady.

Atalǵan komanda 1896 jyly qurylǵan. Óz elinde jeti márte chempıon ataǵyn jeńip aldy. 
Shveıtsarııalyq klýb eýrokýbok oıyndaryn Konferentsııa lıgasy ekinshi irikteý kezeńin Soltústik Makedonııanyń «Vardar» klýbyn (5:0, 2:2) qapy qaldyrdy.

Al «Astana» Moldovanyń «Zımbrý» komandasyn (1:1, 2:0) jeńip, úshinshi irikteý kezeńine joldama aldy.

Sondaı-aq qazaqstandyq «Aqtóbe» ekinshi irikteý kezeńinde Chehııanyń «Sparta» komandasyna (2:1, 0:4) esebimen jol berdi.

Atalǵan týrnırde shymkenttik «Ordabasy» fýtbol komandasy UEFA Konferentsııa lıgasy birinshi irikteý kezeńinde Grýzııanyń «Torpedo» (Kýtaısı) klýbyna (3:4, 1:1) ese jiberdi.
Eske salsaq, almatylyq «Qaırat» fýtbol komandasy UEFA Chempıondar lıgasy ekinshi irikteý kezeńinde Fınlıandııanyń KýPS komandasyn (0:2, 3:0) jeńip, jarystyń úshinshi kezeńine joldama aldy.