Konferentsııa lıgasy: «Astanaǵa» pleı-off kezeńinde «Beshıktash» qarsylas atanýy múmkin

ASTANA. KAZINFORM – Elordalyq «Astana» komandasynyń fýtboldan UEFA Konferentsııa lıgasynyń pleı-off kezeńindegi qarsylasy belgili boldy.

Qazaqstandyq klýb odan buryn úshinshi irikteý kezeńinde 7 jáne 14 taamyz kúnderi Shveıtsarııanyń «Lozanna» komandasymen sheberlik baıqasady. Atalǵan qarsylasyn jeńgen jaǵdaıda pleı-off kezeńinde olarǵa «Sent-Patrıks Atletık» (Irlandııa) pen «Beshıktash» (Túrkııa) jubynyń jeńimpazy qarsylas atanady. Oıyndar 21 jáne 28 tamyz kúnderine belgilengen.

Aıta ketsek, «Beshıktash» klýby sapynda 2023-2025 jyldary qazaqstandyq fýtbolshy Baktıer Zaınýtdınov oıyn kórsetti.

Elordalyq klýb ekinshi irikteý kezeńinde Moldovanyń «Zımbrý» komandasyn (1:1, 2:0) qapy qaldyrdy. 

Eske salsaq, budan buryn almatylyq «Qaırat» komandasynyń fýtboldan UEFA Chempıondar lıgasynyń pleı-off kezeńindegi qarsylasy belgili boldy. Olar úshinshi irikteý kezeńinde Chehııanyń «Slovan» (Bratıslava) klýbyn jeńgen jaǵdaıda shotlandııalyq «Seltık» komandasymen kim myqtyny anyqtaıdy. 

Al «Qaırat» Eýropa lıgasynyń pleı-off kezeńine túsken jaǵdaıda shveıtsarııalyq «ıAng Boız» klýbymen sheberlik baıqasady.