Konferentsııa lıgasy: «Astana» jarysty erte aıaqtady

ASTANA. KAZINFORM — Elordalyq «Astana» UEFA Konferentsııa lıgasy úshinshi irikteý kezeńinde óz alańynda Shveıtsarııanyń «Lozanna» komandasynan jeńilip, eýrododadaǵy joryǵyn aıaqtady.

Eki komanda arasyndaǵy alǵashqy kezdesýde shveıtsarııalyq klýb 3:1 esebimen basym tústi. Sondyqtan búgingi oıynda «Astananyń» eki dop aıyrmasymen jeńisk jetýi mańyzdy bolatyn.
Birinshi kezeńde komandalar bir-biriniń qaqpasynan sańylaý taba alǵan joq. Ekeýiniń de esep ashatyn múmkindigi boldy. Degenmen ony paıdalana alǵan joq. Nátıjesinde tablodaǵy esep ózgerissiz qaldy.

Ekinshi kezeńdi shveıtsarııalyq klýb belsendi bastady. Oıynnyń 48-mınýtynda Beııatt Lekveırı esep ashsa, 66-mınýtta Gaýssý Dıakıte esepti ústemeleı tústi.

Osylaısha «Astana» qarsylasyna 0:2 esebimen jeńilip, jarysty erte aıaqtady.
Enli shveıtsarııalyq komandaǵa pleı-off kezeńinde «Sent-Patrıks Atletık» (Irlandııa) pen «Beshıktash» (Túrkııa) jubynyń jeńimpazy qarsylas atanady. Oıyndar 21 jáne 28 tamyz kúnderine belgilegen.

Aıta ketsek, «Astana» eýrododadaǵy joryǵyn Konferentsııa lıgasy ekingi irikteý kezeńinen bastady. Jarystyń atalǵan satysynda Moldovanyń «Zımbrý» komandasyn (1:1, 2:0) jeńip, úshinshi irikteý kezeńine joldama aldy.

Aıta ketsek, budan buryn «Qaırat» Chempıondar lıgasynyń pleı-off satysyna shyqty.

Endi «Qaırat» UEFA Chempıondar lıgasy pleı-off kezeńinde shotlandııalyq «Seltık» komandasymen oınaıdy.