Konferentsııa lıgasy: «Astana» jáne «Aqtóbe» ekinshi irikteý kezeńin bastaıdy

ASTANA. KAZINFORM - UEFA Konferentsııa lıgasy ekinshi irikteý kezeńinde búgin qazaqstandyq «Astana» jáne «Aqtóbe» komandasylary alǵashqy oıyndaryn ótkizedi.

Aldymen elordalyq «Astana» óz alańynda Moldovanyń «Zımbrý» komandasyn qabyldaıdy. Kezdesý qazaqstandyq ýaqytpen 18:50-de bastalyp, «Qazsport» telearnasynan tikeleı efırde kórsetiledi.

«Astana» Konferentsııa lıgasyndaǵy oıynyn birden ekinshi irikteý kezeńinen bastady.

«Zımbrý» 1947 jyly qurylǵan. Óz elinde segiz márte chempıon atandy. Sońǵy ret mundaı ataqqa 2000 jyly ıe boldy. Bıyl olar Moldva chempıonatynda qola júldeger atandy.

Sondaı-aq búgin «Aqtóbe» óz alańynda Chehııanyń «Sparta» (Praga) komandasymen sheberlik baıqasady.

Kezdesý qazaqstandyq ýaqytpen 20:50-de bastalyp, «Qazsport» telearnasynan tikeleı efırde kórsetiledi.

«Aqtóbe» eýrokýbok oıyndaryn Eýropa lıgasy birinshi irikteý kezeńinen bastap, bul joly Polshanyń «Legııa» komandasyna (0:1, 0:1) esebimen jol berdi.

«Sparta» fýtbol klýby 1893 jyly qurylǵan. Qazirge deıin óz elinde 35 márte chempıon atanyp, rekordtyq kórsetkishke qol jetkizdi.

Eske salsaq, budan buryn Chempıondar lıgasy ekinshi irikteý kezeńinde almatylyq «Qaırat» Fınlıandııanyń «KýPS» komandasyna ese jiberdi.